الشعب يعوي و"القافلة"تسير!!!!ا

قبل ما اقول اى حاجة محدش يفهمنى غلط انا مقصدش طبعا اشبة الشعب بأى كائنات تانية غير انهم بنى ادمين في وجهة نظرنا طبعا
هى الفكرة كلها في تشابة المثل باللي انا عايزة اقولة او اتكلم عنه مش اكتر لانى جريئة جدا طبعا كتبت كلمة الشعب لان محدش هيعترض عليها طبعا لكن كلمة القافلة دى مقصود بيها حاجة تاينة بس منقدرش نكتبها علشان احنا بلد ديمقراطى !!!!ا
وطالما جينا للديموقراطية يبقي لازم نقول الحق بقي احقاقا للحق يعنى احنا واخدين حريتنا تمام في الكلام محدش يقدر ينكر ان اى حد ممكن جدا يتكلم ويقول اللي عايزة!!!!ا

يعنى من حقنا نعترض و نقول رأينا و نعتصم وكل حاجة زى الفل جدا محدش يقدر يمنعك و لا يقولك انت بتقول اية ولية و اى حاجة دى الصراحة لان المبدأ اللي ماشين بية هو ان الشعب من حقه يتكلم ويعترض ويقول رأية بمنتهى الصراحة تمام جدا بس الحكومة ليها رأي تانى خالص يعنى انت قول و اعترض بس انا ليا وجهة نظر تانية خالص زى محمد صبحى في مسرحية كارمن كدا بالظبط مفيش قهر للاراء بس التنفيذ حاجة ثالثة خالص مش ثانية كمان
هههههههههههه

يعنى هما عارفين هما عايزين اية وبيمشوها ازاى فعادى جدا نسمع منكم وخلاص كلو يتكلم وكلوا يكتب دى حرية وزى ما انتم احرار في كلامكم احنا احرار في تنفذنا!!!!ا

فاكيد يعنى كدا "الشعب يعوي و الحكومة تسير !!!!ا

وسيري يا نورماندى تو علي بركة الله !!!!ا

و الاعجب بقي انك تلاقي ان الشخصيات اللي ليها بيزنيس في البلد بقي ليها سلطة يعنى البلد وقفت علي عدد من الشخصيات فعلا زى ما سمعت في لقاء لمحمود سعد في برنامج "واحد من الناس " هما 8 او 9 شخصيات شغالين بيزنيس وكمان سلطة مثلا فعلا زى ما قال الباشمهندس احمد عز رجل اعمال وتجارة حديد و الدنيا زى الفل وكمان قائد التشريع في مجلس الشعب يشاور كدا كلو تمام يشاور كدا المواضيع تنتهى يعنى خلاص مفيش قيادات تانية في البلد فعلا السؤال هنا "لية"؟ دة سؤال بسيط احنا مش بنعترض ولا حاجة حاشا لله بس بنستفهم مش اكتر !!!ا

و الدكتور نظيف ربنا يخليه طبعا قال قرارات ان لازم رفع مستوي محدودى الدخل
وتوفير المرافق و اصلاحها و كلام كتير وكبير طبعا جاة مركز المعلومات طلع احصائيات ان :
51 % من الفتيات لم يتزوجن.
و 77% من الشباب لم يتزوجوا.
21% من الشباب بطالة.
ازاااااى نفهم برضو الاحصائيات دى بجد عن مصر ولا اية ولا دة مركز إحصائيات بلد تانى ؟
برضو مش بنعترض علي النسب دى ولا حاجة احنا بس بنستفهم مش أكتر !!!ا

انا قولت هى كدا الشعب يعوي و الحكومة تسير لا لا لا لا اقصد القافلة تسير !!!!!ا

توضيح بسيط كل دة من تأثير انى اتفرجت علي الحلقة لبرنامج "واحد من الناس "هو الله اعلم هتفرج تانى ولا لأ كل دة علشان مش اكيد هيبقي عندى نظر اتفرج تانى لو الكلام دة ضايق حد مثلا

بس صحيح حد يدوق علي واحدة بتعوي يا جماعة دة مجرد عواء في الهوي!!!ا

سيبكم انتم المهم اهم شعار ليا لازم اختم بيه هو :
"انا وطني بنشد وبطنطن واتباهي بحبك ياوطنطن " تراا راا رااا رااام

Pure Evil

دائـــــــــــرة مغـــــــلــــــــــــقة

دائــــــــــرة مغـــــــــلقة
اظل الف وادور وابحث عن مخرج به نور فاجدنى حبيسة في قفص مثل عصفور فاتخبط هنا وهناك احاول الفرار من قفصي ابحث عن من يحررنى منك فأجدنى حبيسة يأسي فأعود واستغيث بك من سجن حزنى وضعفي وهكذا اظل في دائرة مغلقة بين حبي وحيرتي



اظننى حبيست حبك وضعفي ولكن هذا خداع خداع لنفسي وليس منك فالحب لم يكن خداع

فقـــــــــررتــــــــــــ
قررت البعد ....علي ان اظل معكم في حيرة من أمري
انى قد قررت الفراق ....
علي ان اظل معكم من دون حالي
قررت البعد ولم اختبر قدرتى عليه,
فعانيت وأعانى ولكن سيانى الوقت وأعود لزمانى


سيـــــــــــدي اليوم التمس منك البراءة أو اصدار حكم النفي خارج قلبك

سيدى اليوم اليوم اخذت القرار ولا اعلم معاناتى منه ولكن سألوذ بالفرار
اذهب بنفسي حيث اجد كيانى و ذاتى ولا انتظر منك سوا ان تتركني وحدي لحياتى
حقا اعانى من فراقك واشكي ضعف حالي ولكن ببعدك عنى سأعود حتما لكيانى
وانسى ذكراك وانسي كل احزنى فاجد من يحتوينى و يقدر حبي وحنانى
ويرسم خطوط سعادتى في كل ايامى
فالتمس منك ان تصدر حكمك بنفي من حياتك ان تطردنى بقدرتك خارج اسوار دنياك

اغنية مهزومة لانغـــــــــــــــام
http://www.youtube.com/watch?v=OgHOyUFUQls

شبـــــــــــــح يطـــــــــــــاردني!!!ا

شبـــــــــــــح يطـــــــــــــاردني

استيقظت من نومي مذعورة
لأجد الورقة على وسادتي مبللة بدموعي
و لكن العنوان .. أين العنوان


العنوان أين العنوان لقد رأيته بعيني
آم هذا كان حلم مزعج كأحلامك المزعجة
أحلامك المزعجة التي تراودني فيها بعد آن طردتك من واقعي
فتخللت آلي أحلامي لتعبث معي وتعذبني وتقلق أيامي
ولم تكتفي فقط بإزعاجي في نومي وأحلامي بل ايضا تأرقنى
تأرقنى في واقعي بأفعالك فتترك لي عنوان واليوم لم اجده فابحث
و أفكر أين أجد هذا العنوان وما هو وماذا تريد منه فافكر أتذكر
أتذكر كل مكان يربط بينا يمكن آن يدلنا علي ما تريد
فاتذكر تلك الحديقة الهادئة التي جمعتنا كثير وقولت ها هيا التي تريد آن اذهب أليها
فكثير ما كانت تجمعنا وتجمع ضحكاتنا وأفراحنا وأحزانا
واذهب لاعود منها بلا فائدة فلم أجدك هناك ولم أجد ما يدلني علما تريد
وأبدا رحلة البحث من جديد في كل الأماكن واظل ابحث و لا أجد ما يهديني
فأعاود النوم مرة آخره لعلني أجدك مرة آخره في أحلامي
فبدأت أيقنت انك أصبحت شبح يطاردني في أحلامي
وشبه بشر يسكن في أيامي

و الآن
حين رأيتك
لم أعرفك
تشبهه نعم
كثيرا
تحمل ذات الاسم
و لكن شتان الفرق
بين من عشقني يوما ... دوما
و بين من يتفنن دوما في تعذيبي
و يطربه دوما نزف أقلامي


شتان بين ما عشقته من شخصيتك الجادة القوية
وبين ما أراه ويتضح لي ألان من شخصية مهزومة ضعيفة
فأين تلك القوة والقرارات الحاسة التي طالما تحدثت عنها
فما أراه ألان ما هو سواء ضعف وحيرة وتردد
وكل ما ترغب فيه فقط هو البقاء وان تكون موجود
آن تظل موجود بداخلي وأيضا عند غيري
آن تظل عند الكثيرات فعندما تمل من إحداهن تذهب لتجد الأخريات
ولكن ما لا تدركه أنني ليست فقط سدا لخانات فارغة في حياتك
ولو أنني عشقتك بقلبي فقط سبقه عقلي لهذا العشق والاحترام
وأيضا قد سبق قلبي في طردك خارج حدود دنياي عقلي الذي عشقك
الذي عشقك و أرغم قلبي علي آن يقدرك فيحبك ويعشقك ويحترمك
ولكن ألان لقد بدأ كل هذا آن يتلاشي من داخلي ويختفي شئ بشيء
فحقا أتعذب في بعدى عنك واقسي علي نفسي كثير
ولكن هذا لا يجعلني اقبل بشبه بشر
صامت لا يتحدث آلا وقت ما يشاء ولمن يشاء
فقط يبحث عن ما يسعده ولا ينظر لمن حوله
بقايا إنسان يبحث هنا وهناك ويعود خائبا عندما تغلق أمامه كل الأبواب
فعد إليهن فلقد سئمت انتظارك ولهذا أدفعك بقوة خارج أسوار دنياي
نعم أدفعك بقوة لارجع وانظر لنفسي أعيش أيامي وأحلامي بدونك
فعذرا لا أريدك آن تقتحم أحلامي مرة أخرى ولهذا سأغلق كل نوافذ عقلي الباطن
حتى لا تغلغل الي منها وتظهر مرة أخرى في أحلامي

سرادق عزااااااااااااااااء!!!ا

سرادق عزااااااااااااااااء

كان معى كثير وودت أن يتخلي عني أو أتخلص منه ولكني لا أقدر ,كلما أحاول فأجده يرجع لي وكثير ما يأتي في أوقات أظن أنني لست بحاجة ألية فهو يضايقني كثيرا ,فقررت الإبتعاد عنه ولو لقليل أو ان امنعه من تواجد معى في كثير من الأوقات ولكن بآت محاولاتي بالفشل ,فهم مازال يصاحبني وكنت أكاد اراه مع الاخرين فقولت أهو يلازمني وحدي أم أن كل الناس إبتعدت عنه ولهذا يظل معي كثير لا يجد غيري .
وذات يوما قرأت عن سرادق عزاء له,فكيف ومتى واين!!! فقد كان معي منذ ساعات, نعم كنت أريد أن اتخلص منه او ان يبتعد عني ولو لقليل ولكن لم اتمنى موته ,فكيف اعيش بدونه وكيف لا اجده في كثير من مواقفي وعندها ساصبح كالكثير مما اعرفهم بعد ان فقدوه تماما.
وبعد هذه الحيرة لم اجد سوا أن أذهب لهذا السرادق لكي أعرف ماذا حدث وما يحدث بداخل هذا العزاء, ومن اتى ليقدم العزاء ولمن سوف يقدم عزائنا فلقد كان وحيدا,فذهبت وكانت الفاجعة سرادق كبير وبشر لا حصر لها والجميع في نحيب وبكاء ولا تسمع صوت سوا البكاء, وكثيرا مما اعرفهم والاكثر لا اعرفهم ,ولم اكن اعرف لمن سنقدم العزاء ولهذا دخلت علي استحياء ,وعيناي تدمع بالبكاء ,لا ارغب الا ان ارى واسمع ولا ارغب في الكلام فقط اشاهد كل هولاء,اري وجوها اعرفها وقد تخلت عنه فلما تبكي ,لقد تخليتي عنه في حياته ماذا تريدين بعد مماته,وعيون متحجرة ووجوه غابرة,فكيف كل هذا الحزن؟الكل حزين فلما تخلوا عنه وتركوه يتلاشي شيء فشئ حتى اختفي من الوجود ,ولكن بعد ان فكرت كثير هل هو مات حقيقي ام انهم يشيعون جنازته لكي ينتهى بالفعل من الوجود,نعم فهو كان معى منذ قليل عند دخولي للعزاء,فلقد دخلت علي استحياء ,اذا كان معي ,اذا لما يقيمون هذا السرادق ولما واقف ان ينهو وجودة من الحياة ,نعم لقد تركهم ليري الحسرة والندم في أعينهم من بعده ويري ما توصلوا له بعد فراقهم له , ولهذا لم اقدم عزائي فيه ,فقررت الرحيل فلما اقدمه ولمن ؟لمن تخلوا عنه ويريدون انهاء حياته من الوجود !!!! ا

فقرر توا آلا أتخلى عن حيائي ,فلا حياة بدون حياء!!!!ا

سرادق عزاء ..........في الحياء

أنا حبـــــــــيـــــــــــــت !!!!ا


انا حبيت او انا بحب بأى لغة وبأى تعبير المشكلة مش في الكلمة ولا الجملة المشكلة بتبقي في المشاعر اللي الانسان حاسس بيها
من هنا هنيجى لفكرة

انا حبــــيــــت ؟؟؟؟

حبيت لمجرد أنى عايز احب !!! حبيت علشان عندى فراغ عاطفي وحاسس انى مش سعيد ولأنى بشتغل و او بدرس او او ....وعايش حياتى بس حاسس ان في حاجة نقصانى هى اية؟؟انى انا حاسس بوحدة عايز حد معايا فبتدى أدور علي الحب في كل مكان ومع اى انسان ممكن اتشد لية لاى سبب او اعجب بيه في حاجة معينة وابتدى احاول ادخل في تجربة ويا تنحج يا تفشل ويا احب بجد واتجرح يا احب بجد ونكمل مع بعض
مجرد تجربة فقط لاحساسي انى عندى فراغ عاطفي من غير ما افكر في عواقب التجربة ولا في اذا كان الطرف التانى دة مناسب ليا بجد ولا لأ بحبة ولا مجرد اعجاب ممكن جدا يروح مع الوقت وساعتها حتى لو انفصلوا بيبقي في جرح مش علشان الحب للاسف بيكون علشان التعود لمجرد التعود ان في حد بقي في حياتك
وكمان الفراغ العاطفي ممكن مايخلناش نفكر في الطرف التانى دة ممكن جدا يحبنا بجد ولو الطرف الاول ماقدرش يكمل وحب يوقف التجربة دى في اى وقت هيتجرح الشخص التانى مش بنفكر في كدا للاسف كل اللي بيبقي مهم هو اننا نرضي نفسنا ونملا فراغنا مش اكتر
ودى حالة بقيت منتشرة جدا الايام دى
يمكن بيسموها روشنة صحوبية تجارب
بس الفكرة لما اقدر اقول

انا حبيت!!!!ا
دى تتقال لما تحس انك حبيت علشان حبيت مفيش سبب تانى
حبيت شخص معين هو دة من غير ما تقدر تحدد اسباب وممكن تكتشف انة مفيهوش صفات كنت تتمناها في فارس احلامك او فتاة احلامك بس هو كدا
اتشديت اتخطفت خلاص احساس بقي مسيطر عليك مش قادر تتخلص منه
وبيبقي حلو جدا لما يبقي في تفاهم وتقارب بين الشخصين فكرى و في صفات مشتركة وتحس ان الانسان دة جزء منك حاسس انه زي اخواتك زي ما بيقولوا من دمك نفس الروح نفس الاحساس
ودى بتحصل في حالات كتير مش شرط حب من نظرةة عين يعنى ولا اى طريقة او وسيلة
ممكن جدا يبقي جواز صالونات وتصادف وتلاقي الانسان دة مكنتش تتمنى غير كدا او حد حسيتة كأنك انت
او ممكن من شغل من قرايب من جيران من اى وسيلة يعنى بتختلف الطرق لكل انسان في ايجاد شريك حياة المشكلة اننا بنتسرع بنحاول نوجدة بالعافية وبنجري ندور عليه و نخبط علي كل باب ادامنا علشان نلاقية ومن غير تفكير في العواقب اية الفايدة غير جرح وتعذيب و حزن علي ناس في الاخر تطلع ماتستاهلش مشاعرك او انك تخدع نفسك وتخدع غيرك باسم الحب والاخر تكتشف انك كنت مجرد اعجاب وشاع مع الوقت , المفروض اصبر لحد ما الاقي الشخص اللي يستاهل حبي ومشاعرى و لازم نبقي متاكدين ان طالما ربنا اراد لينا خير معاه اكيد هتقابلوا او هتعرفوا باى وسيلة وهيحصل قبول وتفاهم مش شرط حب من اول مرة بس علي الاقل هيكون في مقومات تساعد علي وجود حب بينكم زى التفاهم الاحترام تقارب الشخصيات صفات مشتركة الخ الخ .....
بس للاسف النوع الاول هو اللي بقي سائد في الوقت دة وبالرغم من ان في ناس عارفة كدا كويس وبرضو بتعمل كدا لشعورها بالفراغ العاطفي

http://www.youtube.com/watch?v=0Z9GHEzSIgw


دى اغنية انا حبيت لخالد سليم ياريت تكون كلماتها كافية عن اللي انا عايزة اعبر عنه اللي بيسمى "الحب" من وجة نظري المتواضعة