We wish that you'd help us

We are a group of Egyptian bloggers really bothered by the blockage of the two-year-old blog "Epitaph_87" ( http://www.epitaph-87.blogspot.com/) along her gmail account (epitaph87@gmail.com), since October, 4th , 2008. She has sent you her problem and requests on Google Help Center and Blogger Support, but in vain. We wish that you'd help us retrieve that blog and account and answer the requests of our fellow blogress, sending you from (epitaph_1987@hotmail.com), and hopefully ASAP!Just for notice, we have published this problem on our blogs!!Thank you!

لا من حقة يبقي فلسطينىرسميا وليس اسما فقط !!!!!!

لما كل مواطن فلسطينى يولد في بلد غير فلسطين واهلة مايسجلوش في فلسطين وياخد الجنسية الفلسطينة هنحافظ علي فلسطين ازاى ,لما يكون معظم اهلها مهجرين و عايشين في بلاد اخرى بس علي الاقل كل مولود فلسطينى يتولد ياخد الجنسية الفلسطينية محتاجين احنا لكل مواطن فلسطينى علشان نحافظ عليها وعلي الهوية الفلسطينية .
كل الجرايد و كثير من الصحفين يطالبون بشطب الصحفية امل سرور صحفية بجريدة الاهرام لانها سافرت الي فلسطين ودة طبعا استلزم منها انها تاخد التاشيرة من السفارة الاسرائيلية واتهاموها بالتطبيع وطالبوا بشطب عضويتها من نقابة الصحفين , وهى صحفية متزوجة من رجل فلسطينى ولديها طفل وطبعا من حقة انه ياخد جنسية ابوة ياخد الجنسية الفلسطينية , وبالرغم من انها رفضت كثيرا انها تذهب الي السفارة الاسرائيلية لحصولها علي التأشيرة للدخول الي فلسطين ولكن ما الحل طالما انه هو الطريق الوحيد للدخول الي فلسطين هو ان تأخذ التأشيرة من السفارة الاسرائيلية و من هنا جاءت المشكلة ولكن هى اصرت علي ان ياخد ابنها الجنسية الفلسطينية ودة حقه الطبيعى وبدأ الهجوم عليها بعد عودتها من هذة الرحلة وتسجيل ابنها لدى السجلات الفلسطينية وبعد رجوعها قامت بكتابة ما رأيتة في فلسطين واسرائيل من مهاذيل و دمار لدرجة ان الفلسطين لايسمح لهم دخول المسجد الاقصى وعندما دخلت هى وزوجها عن طريق طرق ملتوية وجدت بالمسجد القنابلالمسيلة للدموع والقنابل التى يستخدمها الاسرائيلين كل يوم جمعة عند الصلاه لتفجيرها علي المصلين متجمعة في صندوق زجاج داخل المسجد للذكرى المؤلمة للاسف .
وبعد كل هذا يبقي علي الاقل من حق كل مواطن فلسطينى يولد خارج فلسطين ان يسجل في السجلات الفلسطينية وياخد الجنسية الفلسطينة دى ابسط الحقوق للانسان انه يكون معاه هوية وجنسية بلده!!!!!!!!!!!!!!!!!!

la2 ba2ana over awii gdn ba2a

بعيداا عن ان المواطن المطحون بقي مفروم واللي كان مفروم اكيد ربنا افتكرة طبعا وغلوا الاسعار و والاجور زى ماهى لازيادة ولا منها افادة والتعليم والحورات دى كلها طبعا وفعلا الناس عندها حق ماطيقش نفسها علشان تطيق غيرها كل حاجة بقيت زى ما بيقولوا ااوفرررررر بس كمان قلة الذوق بقيت هنا اوفررر اوى يعنى اللي يخبطك وبعدما ما كان الاول يقولك اسف تطورت وبقي يبصلك ويسكت ولا تعليق ووصلت لحد ما بقي يخبطك وكمان يشتمك ومفيش مانع لو ياخدك قلمين ويهزئك ماهو قرفان بقي وخبط فيك انت الغلطان ازاى تمشي ادامة او جانبة يعنى عيب حتى.
وناهيكم عن( حلوة ناهيكم دى) انك تبقي راكب المواصلات وتلاقي ناس كبيرة طالعة وشباب قاعدين ولا كأنهم شايفنهم لا دا الاسواء بقي انك كمان تلاقي اطفال قاعدين و مفيش حد من اهليهم يقولهم قوموا علشان الناس الكبيرة اللي مش قادرة تقف تقعد واللهي ناس فعلا كبيرة جدا في السن حرام يعنى هو اكيد مش غاوى بهدلة ومفيهوش صحة بس لو كان يقدر كان ركب تاكسي مثلا بس دة اقل مشوار 10 جنية علي طول وكمان تاخدلك بيهم تهزيئة من سواق التاكسي يعنى ركوبة وتهزيئة لو الفلوس معجبتش السواق كل ركوبة عليها تهزيئة هدية.
يعنى احنا صحيح مخنوقين وكل حاجة تزهق بس برضو ماننساش ان في حاجة اسمها ذوق واخلاق و اسلوب تعامل يعنى كلام دينا يا جماعة علي الاقل نعامل بعض باسلوب كويس علشان نقدر نعيش في الدنيا دى .

حملات اعلانية للتوعية بقانون المرور الجديد

خير اللهم اجعلة خير وانا ماشية في الشارع لقيت عربية اصفر في ابيض وفيها اعلانات وحورات وكدا انا قولت احنا مش في مصر ولا اية يمكن دخلت علي بلد تانية وانا مش واخدة بالي,لية بقي علشان العربية شكلها لذيذ فعلا وهى نصف نقل مقفولة ومن كل اتجاة في صندوقها اعلانات متحركة كدا وشكلها لذيذ جدا تشد الناس يعنى فقولت تلاقيها اعلانات منتج لشركة جامدة بقي وكدا المفجأة بقي انها طلعت حملة توعية عن قانون المرور الجديد وعن سلامة الشخص واحترام المرور وعدم السرعة هو صحيح في منها اعلانات بخط صغير ومش واضحة اوى يعنى بس شغااااااااااااااال يونيفرساااااااااااال وفي اعلانات منها واضحة وكبيرة بالنسبة لانها عربية ومتحركة وطبعا لما يكون الكلام والاعلان اكبر الناس تلحق تقراه بسهولة بس عاتى بردو اهوة حاجة كويسة بس اللي يخوف بقي واللي مش عايزة اتصدم فية بعد المحاولة الكويسة دى من الحكومة انهم يعلنوا عن التكلفة الفعلية للمشروع لانى اكيد هتخنق بعدها دة كفاية ان بروفة الترحيب بزيارة رئيس الوزراء احمد نظيف للاسماعلية كلفت في يوم واحد 60 الف جنية تخيلوا دى بروفا يوم واحد يعنى الاحتفال هيكلف كام ولية يعنى كل دة هو الراجل غريب ماهو مننا وعلينا وحتى لو غريب لية دة كلة هو يعنى اول مرة يروح الاسماعلية ولا هى حجج وخلاص,تخيلوا بقي بروفا ب 60 الف جنية يبقي المشروع دة هيكلف كام .

يا ربـــــــــــــــــــــــــــــــ ما يقولوا اكلف كام يخلوها سر احنا مش عايزين نعرف الحقيقة المرة دى

ممدوح اسماعيــــــــــــــــــل

ممدوح أسماعيـــــــــــــــــــــــــــل

يستحق يكون عنوان الموضوع اسمه بس هنقول اية جنب اسمه يعنى هو اسمه كفاية ,اصل هنقول القاتل الذئب والحورات دى كله عاتى ولا لية لازمة مجرد كلام يعنى القضاء اداله براءة بعد ما اتسبب في موت 1034 مواطن مصري طب المفروض اية يعنى يقتل كام علشان يبتدوا يفكروا في انهم يعقبوه 2000 او 3000 ويضربوة علي وش ايدة ويقولولو غلط كدا يا دوحة متعملش كدا تانى دول بردو نعتبرهم بشر وعندهم عيال ومتغربين وطالع عينهم علشان يعرفوا يعيشوا ويربوا ويعلموا عيالهم كدا غلط يا بابا ولو بقي كرر الغلط وقتلة بتاع 5000او 6000 يحرموه من المصروف علشان يتعلم الادب والوحشية بقي لو منعوة من الخروج ومن البلاى ستاشن يبقي كدا ممكن يحرم بجد بقي.
واللهى يعنى كفاية كدا عقل بقي يعنى التقرير بتاع اللجنة اللي اجرت الفحص علي المراكب يقول انه اهمال وعدم وجود صيانة وكدا وفي الاخر ياخد براءة طب لو كانوا قالوا المراكب سليمة كانوا عملولوا تمثال ولا اية يعنى
طب كانوا اتجننوا زينا كدا و حكموا علية بعقوبة كدا تليق بمقامة يعنى الشنق مثلا او رميا بالرصاص(حلوه رميا بالرصاص دى) بس ساعتها هيكون مسدس خرزززز بتاع العيال دة هيتعذب يا عينى .

ياربـــــــــــــــــــــــــــــــ تصبر اهل الناس اللي غرقوا في العبارة مفيش غير كدا

يعنى لو حد من ولادهم او اهلهم كان في العبارة كانوا عملوا اية اكيد كان الحكم هيبقي غير كدا خالص بس طبعا نقول اية

حسبـــــــــــــــــــــــــــــــــــــــــــــــــي الله ونعم الوكيــــــــــــــــــــــــــــــــــــــــل

يعنى كمان في ناس مفقودة ولا اهليهم عارفين غرقوا ولا عايشين حاجة تحزن بجد ربنا يصبرهم

أحب ألم الزباله أوى

كشفت دراسة علمية أجراها معهد بحوث الأراضي والمياه والبيئة في مصر عن أن قمامة القاهرة من أغنى أنواع القمامة في العالم، وأن الطن الواحد من القمامة المصرية من الممكن أن يرتفع ثمنه إلى 6000 جنيه (الدولار يعادل 5.5 جنيهات) لما يحتويه من مكونات مهمة تقوم عليها صناعات تحويلية كثيرة، كما أن القاهرة تنتج وحدها قرابة 13 ألف طن قمامة يوميا، ويمكن للطن الواحد أن يوفر فرص عمل لـ 8 أفراد على الأقل، بما يعني أنه يتيح توفير 120 ألف فرصة عمل من خلال عمليات الفرز والجمع والتصنيع.روف أن هناك مشكلة تعترف بها وزارة البيئة المصرية، تتمثل في عدم جمع نصف زبالة القاهرة بالفعل من الشوارع بسبب مشكلات فنية ومادية، ومن أبرز ما يتم استخراجه من القمامة؛ الأوراق والزجاج والبلاستيك والحديد الخردة، وكلها تباع إلى مصانع قادرة على الاستفادة منها، حيث يشرف على هذه المزابل العامة أثرياء، وصفتهم الصحف المصرية بالمليونيرات من أصحاب العمارات والسيارات الفاخرة من وراء جمع القمامةوكي تدلل على هذه الحقيقة، تشير مصلحة الضرائب إلى أن أحد الزبالين في منطقة العمرانية في الجيزة (جنوب القاهرة) تصالح مع مصلحة الضرائب قبل فترة ودفع لها 200 ألف جنيه ضرائب، وذلك عن نشاطه في جمع "الزبالة" لمدة 3 أعوام عن الفترة من عام 1995 وحتى عام 1998، الأمر الذي أثار التساؤل حول ثروة "الزبالين" الحقيقية.ويمكن أن يستفاد من هذه القمامة في إنتاج 415 طنا من حديد التسليح، و110 آلاف طن من البلاستيك، والاستفادة من هذه النفايات في صناعة الأعلاف لتوفير 2.6 مليون فدان تزرع "برسيم" سنويا لتغذية أكثر من 8.6 مليون بقرة وجاموسة. وهو ما يعني في النهاية -وفق ذات التحليل الرقمي- تحقيق عائد قدره مليار جنيه مصري تقريبا، وتشغيل 250 ألف شاب، وبالطبع رفع المستوى الصحي، وتجنب أمراض خطيرة تكلف وزارة الصحة 600 مليون جنيه سنويا.

بقي وذمتكوا مش احنا فعلا عاقلين اوى وبالدليل القاطع يعنى ثروة, اصحاب المزابل اغنياء البلد ناس عاقلة بجد احنا مجانين انا قولت سايبين الزوبالة في كل مكان في البلد يا ناس دى ثروة واللي يلحق بقي ههههههه معلش مقدرتش اخبي عنكم المعلومات الفظيعة دى بحب الخير ليا ولغيرى مجنونة بقي

شايل ثروة يا ناس ,بس للاسف هو مجرد انه بينقلها للمزابل بس واصحابها بقي هما اللي بيلموا فلوس اد كداااا.
ثرواتـــــــــــــــــــــ مهدورة في الشوارع والنيل كمان يعنى احنا بنشرب مياه غنية.
ربنا يرحمهم ويخلصوهم من الثروة المتعبة دى
بيوتنا مليئــــــــــــــــه بالثرواتــــــــــــــــــ والله احنا شعب غلبان اوى
ليـــــــــــــــــــــه يابنى بس حد يكره الخير مايرموش لية بس دى كله خير للبلد هههههههههههه
بس كلامك زى الفل بردو المشكلة في الصندوق مفروض يليق بالثروات اللي فية

مجانين بمزجنا